Fundur merkilegra handrita vitna um að Jesús dvaldist „hin þöglu ár“ æsku sinnar í Austurlöndum. Þar kynntist hann saraþústratrú, búddadómi og hindúasið ásamt því að boða Orð Guðs. Greint er frá því hvað þar dreif á daga Jesú – einnig eftir krossfestinguna!

Í þessar bók eru raktir andlegir straumar frá Austurlöndum sem settu mark sitt á samtíð Jesú, enda voru greiðar samgöngur og viðskipti á milli þessara menningasvæða í kjölfar mikilla herleiðangra. Það voru einkum gnóstísk og búddhísk áhrif sem mótuðu frumkristnina í anda kenninga Krists.

Slíkra áhrifa gætir enn í Biblíunni þó að leynt og ljóst hafi verið reynt að afmá þau. Þar má nefna karma- og endur-fæðingarlögmálið og kenninguna um óbirtan guðdómleika barna Guðs sem þau deila með Jesú Kristi ásamt öðrum kristsbirtum, uppstignum eldri bræðrum og systrum okkar, sem skipa sér í himneska sveit Stóra hvíta bræðralagsins.

Þessir fullnuma synir og dætur Guðs opinbera boðun Guðs í holdinu og í gegnum spámenn trúarbragðanna á öllum tímum. Meistararnir hafa endurbirt hinn týnda og uppruna-lega boðskap frumkristninnar sem Jesús kenndi og upp-fært hann til nútímans. Þar er komið fagnaðarerindi vatns-beraaldarinnar. Höfundur flytur þennan boðskap og leggur út frá honum, og leitar víða fanga.