Við konur munum ALLAR ganga í gegnum þetta. Hvernig getur staðið á því að við vitum svo lítið um eitthvað sem mun hafa mikil áhrif á okkur og þær í kringum okkur? Nú kveðjum við óttann, röngu upplýsingarnar, skömmina og þögnina.
Breytingaskeiðið kannar og útskýrir vísindin, afsannar skaðlegar mýtur sem hafa haldið aftur af okkur of lengi og brýtur þagnarmúrinn sem staðið hefur í kringum breytingaskeiðið, aðdraganda þess og afleiðingar. Í bókinni má lesa persónulegar frásagnir fjölda kvenna því að þótt við upplifum allar breytingaskeiðið á mismunandi hátt erum við allar tengdar. Við erum samfélag.
Þetta er þinn líkami. Hann á skilið að þú aflir þér upplýsinga til að takast á við þetta tímabil lífs þíns. Það er þrátt fyrir allt nóg eftir! Þetta er bara nýtt upphaf og bókin mun hjálpa þér að lifa lífinu til hins ítrasta.

DAVINA McCALL
Davina er vel þekkt úr bresku sjónvarpi, meðal annars sem kynnir í Big Brother, The Masked Singer og Long Lost Family.
Davina er eldheit talskona aukinnar þjónustu fyrir konur á breytingaskeiðinu. Hún hefur gert tvo sjónvarpsþætti um þetta umfjöllunarefni: Sex, Myths and the Menopause og Sex, Mind and the Menopause.
Hún heldur einnig úti myllumerkinu #MenopauseMonday á Instagram-síðu sinni, @davinamccall, þar sem nálgast má upplýsingar um þá þjónustu sem stendur konum á breytingaskeiðinu til boða, auk annars stuðnings.

NAOMI POTTER
Naomi er sérfræðingur með vottun frá bresku samtökunum British Menopause Society. Hún er með tæplega tveggja áratuga reynslu sem læknir innan breska heilbrigðiskerfisins eftir nám í heilsugæslulækningum og heilbrigði kvenna.
Naomi leggur sérstaka áherslu á að valdefla konur með nýjustu upplýsingum úr rannsóknum á breytingaskeiðinu og tíðahvörfum. Hún er stofnandi og yfirlæknir Menopause Care sem veitir konum alls staðar að í Bretlandi ráðgjöf.