Þar sem djöflaeyjan rís og Gulleyjan komu fyrst
út 1983 og 1985 og náðu strax geysimiklum
vinsældum. Sögurnar fjalla um Reykjavík
eftirstríðsáranna; skrautlegt mannlíf í
braggahverfi og allt það umrót sem örar
samfélagsbreytingar höfðu í för með sér.
Söguhetjur bókanna eru meðal minnisstæðustu
persóna í íslenskum skáldskap síðari ára og
uppákomurnar ævintýralegar, enda er
frásagnargleðin helsta kennimark höfundarins.
Hér eru þessar tvær skáldsögur Einars Kárasonar
saman í einni bók með formála eftir Auði
Jónsdóttur rithöfund.

Fljótlega eftir útkomu
³EyjabókannaÊ var gert eftir þeim leikrit og
sýnt við mikla hylli. Eins hafa þær verið
kvikmyndaðar: Einar og Friðrik Þór Friðriksson
skrifuðu handrit Djöflaeyjunnar sem var frumsýnd
1996. Nú hefur einnig verið saminn söngleikur
byggður á bókunum.