Enn ryðst Helgi fram á ritvöllinn. Í þessu kveri, Enn af kerskni og heimsósóma, má finna frekari gamanmál, þar sem mestmegnis er skopast að dægurþrasi líðandi stundar, en inni í millum leynist alvarlegra efni. Bragfræðin er fjölbreytt: Drápur, ferskeytlur, limrur, sléttubönd, sexur og eftirhermuhættir. Í ofanálag bætast nú við tíu örsögur, Barnasögur fyrir fullorðna, þar sem sagnaarfur barnabókmenntanna er skoðaður í ljósi hins flókna nútíma.