Eldgosið í Fagradalsfjalli laðaði að sér hundruðir þúsunda forvitinna ferðalanga frá mars til september 2021. Daníel Páll Jónasson var einn af þeim sem aldrei fékk nóg af sjónarspilinu og fór hann alls 30 ferðir að gosstöðvunum, allt frá upphafsdögum gossins þar til það tók sér hlé (eða stoppaði) um miðjan september.
Á ferðum sínum tók Daníel yfir 10.000 ljósmyndir sem ná yfir alla sögu eldgossins. Myndirnar eru fjölbreyttar og sýna tignarlega kvikustróka, flæðandi og fossandi hraunár, skrítnar hraunmyndanir og allt það sem eldgosið hafði upp á að bjóða.
Bókin inniheldur 100 tilkomumestu og skemmtilegustu myndirnar úr ferðum Daníels. Staðsetning hverrar myndar er sýnd á litlu korti svo hægt er að sjá hversu mikið hraunið hefur breyst frá því myndin var tekin.