Íma er ósátt við lífið. Öll leiðinlegustu störfin á eyjunni lenda á henni á meðan systir hennar fær að nema galdur hjá nornunum! Á meginlandinu lærir Andreas járnsmíðar af pabba sínum en dreymir um að verða riddari og vinna hetjudáðir. En örlögin hafa ætlað þeim báðum annað og brátt setja óvæntir atburðir tilveru þeirra í uppnám.

Nornaseiður er fyrsta bókin í splunkunýrri og spennandi ævintýraseríu fyrir börn og unglinga. Sagan er ríkulega myndskreytt.