Jörðin er síbreytileg reikistjarna. Oftast er hún ljúf og notaleg en stundum alveg hræðilegur staður að vera á. Í sögu Jarðar hafa hryllilegar hamfarir dunið nokkrum sinnum yfir, til dæmis þegar tunglið varð til og þegar risaeðlurnar dóu út. Risaeldgosahrinur og miklar ísaldir hafa gerbreytt Jörðinni og gangi lífsins. Á endanum leiddu þessir verstu atburðir í sögu Jarðarinnar til þín.

Hamfarir er fjórða léttlestrarbókin í hinum geysivinsæla Vísindalæsisflokki Sævars Helga Bragasonar sem geymir skemmtilegan fróðleik og fjörugar staðreyndir úr heimi vísindanna. Bókin er prýdd fjölmörgum litmyndum eftir Elías Rúna.