Franska skáldið Paul Verlaine var eitt af höfuðskáldum sinnar tíðar. Hann var dáður en umdeildur og átti í stormasömu sambandi við landa sinn, ljóðskáldið Arthur Rimbaud, sem leiddi til örlagaríkra atburða. Aðeins örfá kvæði eftir hann hafa áður verið þýdd á íslensku.
Hér er bætt um betur með úrvali háttbundinna ljóða sem veita ágæta innsýn í skáldskap Verlaines auk fróðlegs og hnitmiðaðs eftirmála þýðandans Sölva Björns Sigurðssonar.