Hverfa er ljóðabók skrifuð af næmni og skarpsýni sem fjallar um fegurðina í hinu óræða; undrin og töfrana sem við ekki komum alltaf auga á en búa í þögninni milli vélrænna hendinga samtímans.

Melkorka Ólafsdóttir hefur bæði gefið út verk í eigin nafni og með skáldahópnum Svikaskáldum. Skáldsaga þeirra Olía hlaut tilnefningu til Íslensku bókmenntaverðlaunanna 2021 og ljóðabókin Flagsól, sem Melkorka gerði í samstarfi við myndhöfundinn Hlífu Unu Bárudóttur, var tilnefnd til Maístjörnunnar 2024.