Meginstaðreyndir sögu hverrar þjóðar þurfa að
vera aðgengilegar á einum stað þar sem leita má
svara við spurningum sem vakna um hvaðeina er
snertir lífið í landinu fyrr og nú, atvinnuvegi,
stofnanir þjóðfélagsins og atburði sem markað
hafa þáttaskil frá öld til aldar.

Íslandssaga
A-Ö hefur nýst söguáhugafólki í um fjóra
áratugi. Hér er fjallað um sögu Íslands eftir
uppflettiorðum í stíl alfræðibóka, frá upphafi
byggðar til okkar daga. Kjarni hvers máls er
settur fram á aðgengilegan hátt.

Verkið kemur
nú út í nýrri handhægri útgáfu, uppfært og
ríkulega aukið. Meðal nýjunga er persónusaga
fjölmargra karla og kvenna sem mótað hafa sögu
þjóðarinnar.