Bókin fjallar um ævintýralegt hversdagslíf tveggja óvenjulegra vina. Janís er uppátækjasamur strákur sem elskar grímur og búninga. Vinur hans, Kappi, er ruslakarl sem hefur verið tjaslað saman. Janís bjó hann sjálfur til úr ýmsu dóti sem hann fann inni í herberginu sínu.
Það þarf bara örlítið ímyndunarafl - þá gerast undraverðir hlutir!
Janís spyr Kappa ótal spurninga. Af hverju drukkna fiskar ekki? Af hverju hafa menn ekki rófu? Af hverju er himinninn blár?
Kappi reynir eftir fremsta megni að svara spurningunum en hvort ætli renni fyrr til þurrðar, spurningarnar eða þolinmæðin?