Bára er hugfangin af öllu sem fólk setur ofan í sig til að breyta líðan sinni; mat, kaffi, áfengi, lyfjum, vímuefnum ... Um þetta ætlar hún að fjalla í hlaðvarpsþáttunum Eitur í flösku. Í heimildaleitinni rekst hún á nafn Eiríks Mendez, íslensk-mexíkósks áhugaljósmyndara sem lést ungur að árum, en sá orðrómur hefur lengi verið á kreiki að hann hafi tengst vafasömumum tilraunum með ofskynjunarlyf. Líf þeirra Báru og Eiríks fléttast saman í þessari grípandi sögu þar sem skynjun okkar á veruleikanum er ögrað.

Jónas Reynir Gunnarsson hefur vakið mikla athygli fyrir skáldsögur sínar, Millilendingu, Krossfiska og Dauða skógar, og var sú síðastnefnda tilnefnd til Íslensku bókmenntaverðlaunanna og Bókmenntaverðlauna Evrópusambandsins.