Mikið vatn hefur runnið til sjávar í
Kristnesþorpi frá vígslu Kristneshælis árið
1927. Húsakostur jókst jafnt og þétt á
Kristnestorfunni næstu 45 árin þar til dró úr
nýbyggingum og við tók uppgangstími á 8. og 9.
áratugnum. Þorpið hefur sömu ásjónu og síðustu
fjóra áratugi, húsin þau sömu með örfáum
undantekningum. Tímans tönn hefur sett sitt mark
á umhverfið í Kristnesþorpi hin seinni ár en
samfélag fólksins sem byggir það er jafn lifandi
og áður. Og eins og annað sem kvikt er þróast
Þorpið og tekur breytingum, slítur barnsskónum
og á sín bestu ár áður en ellikerling lætur loks
til skarar skríða. Spurningin er hins vegar
hvort allt tekur enda á dánarstund eða hvort
sálin fer á kreik. Það verður tíminn að leiða í
ljós.