Gamall lögreglumaður, sem dæmdur var í fangelsi fyrir spillingu, kallar Veru Stanhope á fund sinn. Hann kveðst búa yfir upplýsingum sem gætu leitt til þess að gamalt mannshvarf upplýsist. Hann vísar Veru á staðinn þar sem finna megi lík mannsins. En við uppgröft koma óvænt í ljós tvær beinagrindur. Rannsókn málsins vindur upp á sig og tengist með óþægilegum hætti nánum vinum Hectors, föður Veru.
Bækur breska verðlaunahöfundarins Ann Cleeves um Veru Stanhope njóta mikilla vinsælda, ekki síst eftir gerð velheppnaðra sjónvarpsþátta sem meðal annars hafa verið sýndir hér á landi. Þetta er fimmta bókin um Veru sem kemur út á íslensku.