Merkisdagar á mannsævinni eftir Árna Björnsson
þjóðháttafræðing er einkar vönduð og skemmtileg
bók um merkisdaga og áfanga á lífsleiðinni, Hér
eru raktir íslenskir siðir og venjur við
hátíðis- og merkisdaga í ævi hvers manns.
Fjallað er um kviknan lífsins, meðgönguna og
barnsfæðinguna sjálfa, rakin saga fermingar og
afmælishalds, ítarlega lýst fornum venjum og
nýjum við trúlofun og brúðkaup, og að lokum gerð
grein fyrir andláts- og útfararsiðum.