Oddný Þorleifs- og Þuríðardóttir, fædd 1863, bætir sér sjóndepruna upp með auðugu ímyndunarafli. Hér segir hún frá uppvexti í stórum og glaðværum hópi systkina á heimili þar sem kætin ræður ríkjum þrátt fyrir að lífsbaráttan sé hörð og dauðinn alltumlykjandi. Oddný er skörp og næm stúlka og á í sérstöku trúnaðarsambandi við kúna Ídu Pfeiffer sem leggur henni lífsreglurnar á lýtalausri færeysku.

Móðurást: Oddný er skálduð saga langömmu Kristínar Ómarsdóttur, konu sem ólst upp í Biskupstungum á ofanverðri nítjándu öld; einstæð, djúpvitur og töfrum slungin frásögn sem fetar á mörkum hins skáldlega og hversdagslega. Kristín hlaut Fjöruverðlaunin fyrir bókina og Íslensku bókmenntaverðlaunin fyrir framhaldið af sögu Oddnýjar, Móðurást: Draumþing.