Ómótstæðileg bók með fjölda klassískra uppskrifta í nýjum búning í bland við fleiri ferskar og framandi. Eins er þar fróðleikur um súkkulaði, blóm til skreytinga, hvernig hjúpa skal kökur og ýmislegt fleira. Erfiðleikastig uppskriftanna er mismunandi og geta því allir fundið eitthvað við sitt hæfi!
Ólöf Ólafsdóttir, konditori og liðsmaður í íslenska kokkalandsliðinu, hefur frá unga aldri verið hugfangin af köku- og eftirréttagerð og veit fátt skemmtilegra en að útbúa góða og ljúffenga eftirrétti.
Ástríða Ólafar blómstar í þessari fallegu bók þar sem hún hefur tekið saman fjölbreyttar uppskriftir af algerlega ómótstæðilegum og fagurlega skreyttum eftirréttum! Réttirnir njóta sín einstaklega vel í listrænum ljósmyndum Ruthar Ásgeirsdóttur, ljósmyndara og móður Ólafar.

Ómissandi bók fyrir sanna sælkera!