Framsetning bókarinnar Örn Ingi Gíslason, Lífið er LEIKfimi endurspeglar listamanninn, frá því að vera bankamaður í það að verða að listamanni. Hún er umvafin blaðgulli, tákn um birtu og það gildi sem við gefum frelsinu, sköpunarkraftinum. Í hvert sinn sem bókin er opnuð, fer sál Arnar Inga á flug!
Rannsóknir fyrir bókina fóru fram á samnefndri sýningu í Listasafninu á Akureyri frá 3. nóvember 2018 – 27. janúar 2019. Efsta hæð listasafnsins breyttist í vettvang þess „að búa til bókverk“, í stað hefðbundinnar sýningar. Yfirlitssýningin Örn Ingi Gíslason, Lífið er LEIKfimi varð að einum skipulögðum gjörningi sem einkenndist af þátttöku gesta í þrjá mánuði. Arfleifð Arnar Inga skilur eftir sig fjölda myndverka og minninga meðal samferðamanna hans og skrifa 27þeirra greinar í bókina.
Ritstjóri er Halldóra Arnardóttir. Upplag 200 eintök. Þau eru öll númerið og stimpluð með eiginhandaráritun Arnar Inga. Bókin er 400 blaðsíður með úrvali ljósmynda úr lífi og starfi listamannsins, sem og af myndverkum hans.
Bókin er gefin út í samstarfi við Listasafnið á Akureyri.