Perlur í náttúru Íslands er stórglæsileg og
eiguleg bók. Lifandi lýsing á náttúru landsins í
máli og myndum.
Bókin er tvískipt. Fyrri hluti
hennar er yfirlit um jarðsöguna og kenningar um
hvernig Ísland reis úr sæ; hvernig landslag
verður til, mótast og eyðist. Innganginum lýkur
með kaflanum ,,Sambúð við landslagË, þar sem
skoðað er hvernig náttúran og ásýnd landsins er
samofin menningu þjóðarinnar.
Síðari og stærsti
hluti verksins ,,Foldin fríðË, lýsir um 70
stöðum á landinu, frá fjöru til fjalla. Um
staðina er ekki bara fjallað frá sjónarhorni
náttúrufræði, heldur líka í tengslum við sögu
þjóðarinnar. Bókin er því reisubók um fegurð
landsins og hvatning til að kynnast því og
umgangast það með þeirri virðingu sem því ber.