Afar vegleg og vönduð ljósmyndabók um atburðina á Reykjanesskaga frá því að jarðskjálftahrina hófst þar í janúar 2020. Bókin segir frá eldgosum, rýmingu, slysförum, varnargarðagerð, eyðileggingu og uppbyggingu og baráttu mannsins við óblíða, skeytingarlausa en ægifagra náttúruna. Bókinni hefur verið afar vel tekið og hlotið lof þeirra sem til atburðanna á Reykjanesi þekkja og öðlast sterkan sess í hjörtum Grindvíkinga og annarra sem atburðunum tengjast. Höfundurinn er ljósmyndari að atvinnu og mennt og hefur í yfir 15 ár skrásett leit, björgun og neyðarstörf á Íslandi og víðar. Hann hefur fylgt eftir atburðunum á Reykjanesi frá fyrstu stundu þegar íbúar komu saman á íbúafundi í íþróttahúsinu i Grindavík á köldum janúardegi árið 2020. Síðan þá hefur hann í á annað hundað ferðum á svæðið tekið nærri 200 þúsund myndir og í þessari bók eru hátt í 500 þeirra sem segja söguna á lifandi hátt eins og fæstir hafa áður séð hana. Vönduð 416 blaðsíðna bók í stóru harðspjalda broti með ljósmyndun og stuttum frásögnum á íslensku. Í formála bókarinnar segir Guðni Th Jóhannesson þáverandi forseti og sagnfræðingur meðal annars: „Í þessu riti sjáum við ljóslifandi myndir af samstöðu og seiglu, hugviti og hugrekki. “