Hefur þú einhvern tímann velt því fyrir þér hvernig það var að alast upp í torfbæ í gamla daga? Í þessari ríkulega myndskreyttu sögubók fylgjum við Sigga litla, vinkonu hans Jóhönnu og heimilishundinum Ysju í einn dag í lífi þeirra. Þau lenda í ýmsum uppákomum og hitta skondnar persónur, t.d. förufólkið Myllu-Kobba og Ropa-Katrínu sem flakkaði á milli bæja í Skagafirði á seinni hluta 19. aldar. Sögusviðið er Glaumbær, prestssetur í Skagafirði, sem taldist til efnameiri bæja með tilheyrandi umsvifum. Sagan er að mestu byggð á raunverulegu fólki sem bjó í Glaumbæ og Skagafirði á 19. öld. Markmiðið er að gefa innsýn í daglegt líf Íslendinga á árum áður út frá sjónarhóli barns og um leið að kveikja áhuga á og fræða um þá gjörólíku lifnaðarhætti sem einkenndu líf fólks hér áður fyrr.