Talnageitungurinn er sjötta hefti
verkefnabókanna vinsælu sem ætlaðar eru börnum
sem áhuga hafa á að læra að lesa og reikna. Eins
og heiti heftisins gefur til kynna fjallar það
einkum um tölur og einfaldan reikning. Heftinu
er ætlað að gefa góðan undirbúning fyrir
stærðfræðinám barna. Í því eru lögð inn
grundvallarhugtök í stærðfræði og veittar
æfingar í að telja, þekkja talnagildi auk þess
að lesa tölur og skrifa. Það býður upp á
fjölbreytileg og skemmtileg viðfangsefni og
hentar vel sem framhald af Geitungi 1 jafnframt
því að vera stuðningur við Geitung 3 og 4.