Guðbjörn Gunnarsson hefur starfað sem einkaþjálfari og markþjálfi í yfir tvo áratugi og verið virkur í útvarpsstarfi um árabil. Frá unga aldri hefur hann einnig tekið þátt í 12 spora starfi, reynsla sem hefur mótað sýn hans á ábyrgð, sjálfsskoðun og persónulegan þroska.

Bókin byggir á þeirri reynslu ásamt áratugalangri vinnu með fólki sem leitast við að styrkja sjálfsmynd sína, breyta venjum sínum og finna meiri tilgang í lífinu.

„Vilji og geta fara oft ekki saman. Á milli þeirra liggur brú sem heitir daglegar venjur. Þar byggist andlegt burðarþol upp, skref fyrir skref.“

Guðbjörn Gunnarsson hefur starfað sem einkaþjálfari og markþjálfi í yfir tvo áratugi. Í starfi sínu hefur hann fylgt hundruðum einstaklinga í gegnum breytingar, áskoranir og persónulegan vöxt.

Í þessari fyrstu bók sinni sameinar hann persónulegar sögur, áratuga reynslu af þjálfun og markþjálfun, innsæi úr 12 spora starfi og hugleiðingar um það sem skiptir mestu máli þegar upp er staðið.

„Það er svo margt sem þú veist ekki fyrr en þú veist það“ er bók fyrir þá sem vilja ekki bara vita meira — heldur lifa meira.