Eyþór Árnason hlaut Bókmenntaverðlaun Tómasar Guðmundssonar fyrir fyrstu ljóðabók sína árið 2009. Það kemur alltaf nýr skafl í fjalliðer áttunda ljóðabók hans.

Í glugganum stendur
hvít símakúla sem Jónas frá Hriflu skrúfaði í
baðstofuþilið á bænum í heiðinni
Ég held að búálfurinn
hafi fylgt með kúlunni suður
því þegar ég legg eyrað að postulíninu
heyrist stundum í honum tuðið
Ég segi honum að hafa sig hægan
og bið ömmu afsökunar á að liggja
á línunni enda sé ég bara
að forvitnast um sprettu í grasaheiðinni