Ljósmyndabókin Together in Iceland birtir okkur land sem er hvort tveggja fíngert og
ægifagurt: kraftmikið, síbreytilegt og fullt af undrum. Hver ferð um landslag Íslands leiðir eitthvað óvænt í ljós: nýja liti, nýtt útsýni, áður óþekkta áfangastaði.
Fáir hafa kannað þessa staði jafn rækilega og ljósmyndarinn Roar Aagestad. Í meira en hálfa öld hefur hann ferðast um landið með myndavélina, á öllum árstímum og við alls konar skilyrði: á köldum vetrum, í haustrigningum og kyrri birtu sumarnæturinnar.
Eldur og ís, svört víðerni og grænar mosaþembur.
Í bókinni eru teknar saman ljósmyndir frá síðustu fimmtán árum, sumar af földum perlum utan alfaraleiðar en einnig áhrifamiklar myndir af vinsælustu áfangastöðum Íslands. Með næmu auga fyrir stórbrotnu landslagi og smáum undrum tekst Roar Aagestad að skapa myndheim sem vekur okkur til umhugsunar um fegurð og breytileika landsins en jafnframt gildi hinnar ósnortnu náttúru.