Bókin Útikennsla og útinám í grunnskólum kynnir
útikennslu í skólastarfi. Leitast er við að
útskýra hvað felst í útikennslu og af hverju
útikennsla er mikilvægur þáttur í menntun barna
og ungmenna. Bókin er í senn fræðileg og hagnýt
og markmiðið með henni er að auðvelda kennurum
og skólastjórnendum að þróa útikennslu á
markvissan hátt og tengja hana við aðra kennslu
og stuðla þannig að heildstæðu námi nemenda. Hér
getur lesandinn fræðst um mikilvægi útikennslu
fyrir nám og þroska barna og ungmenna og
þátttöku þeirra í samfélaginu. Bókinni fylgir
vefsíðan utikennsla.is þar sem finna má
verkefni, lesefni og tengla í vefi sem geyma
kennsluhugmyndir.

Með útgáfu á Útikennslu er
bætt úr brýnni þörf á heildstæðu íslensku efni
um útikennslu með hliðsjón af íslenskri
aðalnámskrá.