Frá námsárum til forsetakjörs fór Ólafur Ragnar Grímsson víða um veröldina og vann með fjölda áhrifamanna í ýmsum álfum. Þjóðin fær nú í fyrsta sinn frásagnir af þessari vegferð. Bókin er á þann hátt ævisaga og tengist fyrri verkum, Sögum handa Kára og Rótum.

Hér kynnumst við ungum manni sem hélt út í heim, barst á öldufaldi breytinga og myndaði svo bandalög við leiðtoga í Evrópu, Ameríku, Asíu og Afríku.
Vegferðin endurspeglar baráttu fyrir afvopnun, friði og farsæld fátækra ríkja; sýnir hvernig hægt er að ná árangri í viðsjárverðum heimi.
Frásögnin sýnir samfelldan þráð frá námsárum í Bretlandi til baráttunnar um Bessastaði.