Við dauðans dyr ég fann mig er sönn saga sem hefur farið sigurför
um heiminn. Hér er á ferðinni einstæð frásögn höfundar, Anitu
Moorjani, af dauðastríði hennar við eitlakrabbamein á lokastigi.
Sigur hennar í því stríði má líkja við kraftaverk sem læknavísindin
hafa átt bágt með að útskýra. Sjálf segir Anita að hún hafi þurft að
deyja til að finna sjálfa sig og að henni hafi aldrei fundist hún vera
eins lifandi og þegar hún lá í dauðadái á milli heims og heljar.