Í þessari bók dr. Bjarna F. Einarssonar eru tveir staðir á Íslandi í aðalhlutverkum. Það eru Vogur í Höfnum, yst á Reykjanesi og Stöð á Stöðvarfirði. Þeir eru ein helsta kveikjan að ritun þessarar bókar. Annar staðanna er nánast eins vestarlega og komist verður á Íslandi og hinn er sömuleiðis nánast eins austarlega og komist verður þar. Báðir staðirnir gáfu tilefni til þess að höfundur fór að hugleiða þann möguleika að þeir væru eitthvað annað en hefðbundin landnámsbýli.