Þegar jólin nálgast fara alls konar skrýtnar
verur á kreik. Jólasveinarnir arka til byggða og
lauma gjöfum og góðgæti í skó þægra barna. Sumir
segja að mamma þeirra, hin hrikalega Grýla,
seilist eftir óþægu börnunum og eitthvað
ágirnist jólakötturinn líka. En hvaðan kemur
þessi furðulega fjölskylda og hver er saga
hennar?
Hér bregður Brian Pilkington nýju ljósi
á fjölskyldu jólasveinanna og íslenska jólasiði
í máli og myndum við hlið sígildra jólakvæða
Jóhannesar úr Kötlum sem orðin eru ómissandi
hluti af aðventunni.