Óheppni hafði fylgt ætt Stanleys Yelnats allt
frá því að einskisnýti syndumspillti
grísaþjófurinn hann langalangafi hans sveik
sígaunakerlinguna forðum daga. Þess vegna kom
engum á óvart þegar Stanley var dæmdur fyrir
glæp sem hann hafði ekki framið og var sendur
til betrunarvistar í Grænavatnsbúðirnar.
Þar
kynnist Stanley Handarkrika, Sikksakk og
Röntgen, eins og strákarnir kjósa að kalla sig,
að ekki sé minnst á Zero sem ekki er allur þar
sem hann er séður. Aðallega kemst Stanley þó í
kynni við skraufþurran vatnsbotninn þar sem
strákarnir eru látnir grafa holur allan
liðlangan daginn til að gera þá að betri
manneskjum Í nema þeir séu að leita að
einhverju!
Milljón holur kom út í Bandaríkjunum
árið 1998 og hlaut öll helstu verðlaun sem
barna- og unglingabókum eru veitt þar í landi.
Bókin hefur verið þýdd á fjölmörg tungumál og
notið ómældra vinsælda meðal unglinga og
fullorðinna.