Ferðabók 2. Bækurnar má hvort sem er taka með í
ferðalagið eða dunda við heima. Efni bókanna
byggist á því sem kennt hefur verið í
Stjörnubókunum sem áður hafa komið út og miðast
einkum við þarfir barna sem eru að læra að lesa.
Heftin bjóða upp á upprifjun í stafrófinu,
tölunum frá 1 til 30, lestri einfaldra orða og
setninga auk myndlestrar og skriftarþjálfunar.
Orðaforðinn í heftunum tengist ýmsu því sem
verður á vegi okkar á ferðalögum.
Stjörnubækurnar eru flokkur bóka sem ætlað er að
örva börn á aldrinum 3-5 ára og búa þau undir
skólagöngu, en tekið er mið af námskrám á
leikskólastigi og fyrstu stigum grunnskóla.
Bækurnar styðja við viðleitni foreldra til að
kenna ungum börnum sínum annars vegar að lesa og
hins vegar að þekkja tölur og talnagildi með
skemmtilegum verkefnum og markvissum
leiðbeiningum. Límmiðar með stjörnum og myndum
eru notaðir til að umbuna fyrir vel unnið verk.