Börn fæðast með alla burði til að verða
skynsamar, réttsýnar og góðar manneskjur og það
er undir okkur fullorðna fólkinu komið að gera
þeim það kleift.

Rannsóknir sýna að fyrstu
þúsund dagarnir í lífi barns Í frá getnaði til
tveggja ára aldurs Í hafa afgerandi áhrif á
framtíðarheilbrigði þess. Ástrík og næm
samskipti á þessum tíma leggja mikilvægan grunn
að þroska barnsins sem vitsmuna-, tilfinninga-
og félagsveru. Þess vegna þarf það nærgætna
umönnun frá fólki sem þykir vænt um það, skilur
þarfir þess og hefur þær í fyrirrúmi.

Fyrstu
1000 dagarnir er aðgengileg handbók fyrir
foreldra sem byggir á tengslakenningum, nýjustu
rannsóknum í taugavísindum og sálgreiningu. Hér
eru gefin góð ráð um hvernig foreldrar geta búið
sig undir fæðingu barns og annast það og örvað
fyrstu árin með það að leiðarljósi að byggja upp
heilbrigðan og ástríkan einstakling.

Sæunn
Kjartansdóttir er einn af stofnendum Miðstöðvar
foreldra og barna sem sérhæfir sig í
tengslaeflandi meðferð foreldra og ungbarna.