Það hlýtur að teljast til nokkurra útgáfutíðinda
að út komi ný bók eftir Þórberg Þórðarson!
Meistarar og lærisveinar er byggð á ³stóra
handritinuÊ hans Þórbergs sem er að líkindum
uppkast að þriðja bindi skáldævisögu hans.
Verkið er skrifað seint á fjórða áratugnum í
kjölfar Íslensks aðals og Ofvitans en þar tekur
Þórbergur upp þráðinn þar sem Ofvitanum sleppir
og segir frá sjálfum sér allt fram til ársins
1925.Frásagnirnar gefa góða mynd af lífi og
hugðarefnum Þórbergs á þessum tíma. Hann skrifar
um nám sitt við háskólann, lýsir ritstörfum,
kveðskap og tilurð Bréfs til Láru, segir frá
kvennamálum, guðspeki-áhuga og esperantónámi af
einstakri stílgáfu sem einnig birtist í
óborganlegum lýsingum á Unuhúsi og gestum þess.