KAUPMANNAHAFNARBÓKIN, Borgin við Sundið, er
rituð fyrir alla þá sem kynnast vilja sögu og
menningu þessarar gömlu höfuðborgar Íslands.
Saga staðarins er rakin frá fyrstu tíð en í
meginkafla, KAUPMANNAHAFNARORÐABÓKINNI, eru
upplýsingar um helstu atburði í sögu borgarinnar
og um byggingar, stræti og torg ásamt fróðleik
um persónur, sem sett hafa svip á borgina. Farið
er með lesandann í gönguferðir um staði er
tengjast sögu Íslands og Íslendinga. Bókin er
ríkulega myndskreytt og í henni eru netföng með
upplýsingum um hótel, veitingahús og
skemmtistaði í Kongens By.