Ný plata með kontrabassaleikaranum Tómasi R. Einarssyni og píanóleikaranum Eyþóri Gunnarssyni. Tómas er þekktastur fyrir latíntónlist sína og Eyþór sem hljómborðsleikari Mezzoforte, en hér spila þeir ballöður og rólega valsa. Í inngangsorðum skrifar Tómas: ,, Í djassballöðum gildir það eitt að láta fingurna hlýða skipunum hjartans. Við liðum áfram í einbeittu meðvitundarleysi í þrjá daga og svo var það búið. En við höfðum jú verið að æfa fyrir þessa plötu í 36 ár. "