Þessi bók er ætluð konum á besta aldri, en sá aldur felur í sér víðtækt hugtak. Í henni eru tíu kaflar og í hverjum þeirra fjallar Guðrún um eina leið sem hægt er að fara til að auka lífsgæðin. Hver leið veitir konum á besta aldri aukna þekkingu og dýpri skilning á því sem hægt er að gera til að koma á jafnvægi í líkamanum. Í lok hvers kafla er svo samantekt á því sem hægt er að velja að gera til að auka orku, styrk, hamingju og heilbrigði og njóta þannig aukinna lífsgæða.
Guðrún hélt fyrsta sjálfsræktarnámskeið sitt fyrir konur árið 1990. Síðan þá hefur hún hvatt konur (og karla), með námskeiðum, bókum, greinum og fyrirlestrum, til að taka meiri ábyrgð á eigin heilsu og velja náttúrulegar leiðir til bata.