Í rauðum loga er fyrsta breiðskífa Þorgerðar Ásu. Á plötunni eru 11 lög, ýmist frumsamin eða aðfengin og þá helst norrænar tónsmíðar með nýjum íslenskum textum. Þorgerður Ása Aðalsteinsdóttir er söngkona sem hefur víða komið fram á tónleikum hérlendis og á Norðurlöndum og er helmingur af dúóinu Vísur og skvísur. Hún er undir sterkum áhrifum norrænnar þjóðlagahefðar þar sem einlæg túlkun texta í bland við ómþýðar laglínur er undirstöðuatriði í tónlistarflutningi hennar.