Fáir hér á landi hafa skilað af sér jafn mörgum þekktum verkum sem skipa viðlíka sess ííslenskri sjónmenningu og grafíski hönnuðurinn Kristín Þorkelsdóttir. Kristín hefur á löngum ferli hannað urmul auglýsinga, fjölmargar bókarkápur og ýmis rótgróin merki sem hafa verið landsmönnum sýnileg á skiltum, pappír og skjáum í yfir fimm áratugi, ásamt íslensku peningaseðlunum og íslenska vegabréfinu. Að auki stofnaði Kristín og rak eina mikilsvirtustu auglýsingastofu landsins um árabil.

Bryndís Björgvinsdóttir og Birna Geirfinnsdóttir varpa hér ljósi á fjölmörg verk Kristínar og þeirra óskráðu sögu. Þær eru báðar dósentar við hönnunardeild Listaháskóla Íslands.

Bókarhönnun: Studio Studio (Arnar Freyr Guðmundsson, Birna Geirfinnsdóttir).