Hér er lýst fjórtán hjólreiðaleiðum, auðveldum og erfiðum, sem eiga það sameiginlegt að þær liggja í hring og að hægt er að loka hringnum á einum degi. Hverri leiðarlýsingu fylgja tillögur að fleiri ferðum.

Helstu hagnýtu upplýsingar um hverja leið eru útlistaðar í máli og á kortum. Allar leiðirnar eru teiknaðar með litaskala sem útskýrir hve brattinn er mikill. Um eitt og hálft hundrað ljósmynda gefur innsýn í sýslurnar, hvernig þar er umhorfs og hverskonar vegir og stígar bíða lesenda.

Bókin fjallar um Skaftafellssýslur; svæði sem í dag heitir Mýrdalshreppur, Skaftárhreppur og Sveitarfélagið Hornafjörður.