Fossar, firðir og eyjar á kyrrum fleti úthafsins hafa á 37 ára ferli Guðbjargar Lindar verið viðfangsefnið í málverkum hennar og fjölbreyttum innsetningum af minningartoga. Bókin Brot af heild – Á mörkum hugar og náttúru fjallar um myndlist Guðbjargar Lindar í ljósmyndum og greinum þar sem ljósi er varpað á ræturnar að baki myndheimi hennar og viðfangsefnum.
Þessi fallegi prentgripur opinberar á lágmæltan og einlægan hátt listamann sem allt frá upphafi ferilsins hefur verið trúr viðfangsefnum sínum og rótum í stórbrotnu umhverfi æskunnar vestur á fjörðum. Bókin geymir yfir hundrað ljósmyndir og greinar eftir ýmsa höfunda m.a. Auði Övu, Dag Hjartarson og Oddnýju Eir.