Harry Hole er kominn til Los Angeles til að drekka sig í hel þar sem líf hans er í rúst. En þegar hann kemst að því að Lucille, gömul leikkona sem hefur skotið yfir hann skjólshúsi, skuldar mexíkóskum glæpamönnum formúu ákveður hann að bjarga henni og fær til þess tíu daga frest.

Tvær ungar konur í Osló hverfa og finnast síðan myrtar. Þekktur auðmaður er meðal grunaðra og býður Harry stórfé fyrir að koma og sanna sakleysi hans en enginn innan lögreglunnar kærir sig um samstarf við Harry nema vinkona hans, Katrine Bratt, yfirlögregluþjónn í ofbeldisdeildinni.

Harry fær þrjá menn til liðs við sig; æskuvin sem selur kókaín á götunni, sálfræðinginn sinn sem er með krabbamein á lokastigi og spilltan lögreglumann sem hefur verið vikið úr starfi.

Tíminn sem Harry hefur til að leysa málið er naumur og í Osló styttist í algjöran tunglmyrkva en þá mun svokallaður blóðmáni varpa skugga sínum yfir borgina.