"Nanna er látin, konan sem Jóhann Máni elskaði. Það var biluð ást og reyndist honum dýrkeypt.
Þegar hann fréttir af andlátinu tekur hann að rifja upp langa og róstusama ævi. Hann var aðeins níu ára þegar ógæfan kvaddi fyrst dyra í lífi hans, þá glataði hann ást og vináttu föður síns og samheldni fjölskyldunnar rofnaði. Síðar tók hann sér víðfrægan afbrotamann til fyrirmyndar og dróst inn í veröld óreglu og ofbeldis.
Sagan er óvægin lýsing á harkalegum örlögum manns sem var gæddur góðum gáfum, óvanalegu líkamlegu atgervi og hugdirfsku. En ástina kunni hann ekki að varast."