Í bókinni eru verk Ólafar Erlu Bjarnadóttur leirlistakonu skrásett á myndrænan hátt ásamt texta um 40 ára starfsferil hennar. Unnið var að gerð bókarinnar samhliða undirbúningi fyrir yfirlitssýningu á verkum hennar sem fór fram á Korpúlfsstöðum árið 2024. Hönnun bókarinnar endurspeglar lifandi feril Ólafar Erlu, bókin er handhæg og aðgengileg, textinn er bæði á íslensku og ensku og gefur lesendum innsýn í störf og verk hennar. Ferillinn varpar skýru ljósi á þátt hennar í sögu keramiks á Íslandi á þessu langa tímabili og fjölbreytni verkanna gefur innsýn í tíðarandann.