Gerður var frumkvöðull innan höggmyndalistar á Íslandi og tók þátt í mótun nútímalistar bæði á innlendri og erlendri grund. Leitað í tómið fylgir listakonunni í hringiðu módernismans í París, skoðar tengsl hennar við aðra listamenn og veltir upp stöðu hennar í samtíma sínum. Ritið er safn fræðigreina sem setja fram nýjar nálganir á listsköpun Gerðar Helgadóttur. Textahöfundar eru Benedikt Hjartarson, Hallgerður Hallgrímsdóttir, Hanna Guðlaug Guðmundsdóttir og Æsa Sigurjónsdóttir. Ritstjóri er Cecilie Gaihede, og er bókin gefin út af Gerðarsafni – Listasafni Kópavogs.