Sjálfsvinnudagbók fyrir ungt fólk byggð á jákvæðri sálfræði, núvitund og styrkleikamiðaðri nálgun.
Bókin hjálpar ungu fólki að blómstra með því að takast á við tilfinningar, styrkja sjálfsmynd, tengjast
öðrum og finna tilgang og gleði í eigin lífi. Hún byggir á styrkleikamiðaðri nálgun þar sem lögð er
áhersla á að efla eiginleika eins og hugrekki, samkennd, þrautseigju, góðvild og von – allt sem styður
við sjálfsþroska, tengsl og vellíðan. Með vísindalegri nálgun styður bókin við ungt fólk í því að
blómstra, bæði í eigin lífi og í samskiptum við aðra. Í þessari sjálfsvinnudagbók sameinast æfingar
og nálganir sem höfundur hefur lært og nýtt í starfi og námi, margar hverjar innblásnar af
fræðimönnum og leiðtogum innan jákvæðrar sálfræði, náms- og starfsráðgjafar, núvitundar og
tengdra greina. Uppsetning bókarinnar er hönnuð til að höfða til ungs fólks þar sem hún er litrík og
lífleg. Með blöndu af skrifrýmum, skapandi verkefnum, tilvitnunum og einföldum æfingum er bókin
bæði hvetjandi og skemmtileg í notkun.