Rakt villiepli er fimmta ljóðasafnið í árlegri ritröð Orðskjálfta. Hér birtast bestu norrænu ljóð ársins 2024, valin af ritnefndum ungs fólks frá Íslandi, Danmörku, Svíþjóð og Noregi. Ritnefndirnar reyna að lesa öll ljóð sem koma út í hverju landi svo ljóðavalið er fjölbreytt og inniheldur ljóð frá nýjum sem reyndum skáldum. Öll ljóð eru prentuð á frummálinu og í enskri þýðingu. Ljóðasafnið er gripur fyrir fólk með áhuga á norrænni ljóðlist, tungumálum og menningarsamstarfi.