„Þessi bók Rósu, um bróður sinn, er hreint ótrúleg! Hún er yfirþyrmandi, ljúf og óþægileg. Rósa skrifar sögu Lalla, söguna alla, eins og hún hafði lofað honum á dánar­beði hans. Hún efndi það loforð svo rækilega að lesandinn er lengi að jafna sig eftir lesturinn.

Augljóst er að Rósu þótti vænt um bróður sinn, jafnljóst er að hann var henni erfiður. Þetta hvort ­tveggja opin­berast les­andanum gegnum alla frásögnina svo hún öðlast líf og fyrir vikið trúverðugleika.

Sagan er studd gögnum, opinberum heimildum stofn­ana eins og lögreglu og Barnaverndarnefndar Reykja­víkur. Lát­laus og raunsönn frásögn Rósu birtir mynd af dreng sem fékk áfellisdóm alls kerfisins fyrir að vera les­blindur og ofvirkur og fyrir vikið dæmdur fáviti af þeim sem áttu að vita betur.

Þessi einfalda og einlæga frásögn er ískaldur óvæntur næð­­ingur, áfellisdómur yfir kerfi sem brást með skelfi­legum hætti. Það er áleitin spurning hvort samfélag okkar hafi í raun komist út úr því ástandi!“

Þórhallur Jósepsson fyrrv. blaða- og fréttamaður