Að vera foreldri er sennilega bæði mikilvægasta og vandasamasta verkefnið sem flest okkar takast á við. Foreldrahlutverkið snýst alls ekki eingöngu um að ala upp börn sem haga sér vel og gengur vel í skóla, heldur ekki síður um að laða fram og styrkja eiginleika og færni sem stuðla að persónulegri vellíðan og farsælum samskiptum við aðra. Í bókinni er lýst hvernig börn læra frá unga aldri af samskiptum við foreldra sína og því fordæmi sem þeir gefa með eigin hegðun. Efnið skiptist í aðgengilega kafla þar sem gefin eru gagnleg ráð, árangursríkum aðferðum er lýst og bent er á færni sem foreldrar þurfa að hafa eða tileinka sér til að ýta undir æskilega hegðun barna sinna. Bókin kemur nú út í nýrri þýðingu og uppfærslu Gyðu Haraldsdóttur sálfræðings og er sérstaklega hugsuð sem ítarefni fyrir námskeiðin Uppeldi sem virkar – færni til framtíðar fyrir foreldra og fagfólk.