Slökunarjóga er iðkun meðvitaðrar slökunar þar sem við notum fylgihluti til að styðja við líkamann. Hér er um að ræða hvíldariðkun sem snýst um að hægja á sér og opna líkamann. Slökunarjóga er frábær leið til að vinda ofan af sér og er góður valkostur ef við erum of þreytt til að mæta í hefðbundinn jógatíma. Iðkunin gefur okkur ekki bara líkamlega slökun heldur líka tilfinningalega slökun. Slíkir tímar bæta meltingu, svefngæði og gæði andardráttarins. Þeir lækka blóðþrýsting, hægja á hjartanu, bæta einbeitingu og styrkja ónæmiskerfið.
Í þessari bók eru helstu slökunarjógastöðurnar kenndar ásamt öndunaræfingum sem hægja á taugakerfinu. Í bókinni má finna uppskrift að nokkrum tímum til iðkunar.